Akademia Olimpike Shqiptare – Percakton Sesionet Vjetore per te Rinj dhe te Rritur
Bordi i Akademisë Olimpike Shqiptare u mbodh sot datë 26.11.2013 në një takim për të përcaktuar kalendarin e aktiviteteve dhe orientuar axhendën e promovimit të Olimpizmit në vijim. E kryesuar…
Presidenti i KOKSH – Konference per Shtyp per pjesemarrjen ne Asamblene e Pergjithshme te EOC
Tirane me 26.11.2013
Deklarate Per Shtyp
Të nderuar përfaqësues të medias
Gjatë fundjavës së kaluar, në Romë të Italisë u zhvillua asambleja e 42-të e Komitetit Olimpik Europian (EOC), ku mori pjesë edhe Komiteti Olimpik Kombëtar Shqiptar përfaqësuar nga presidenti Viron Bezhani e sekretari Stavri Bello. Një takim i rëndësishëm, ku mori pjesë edhe presidenti i Komitetit Olimpik Ndërkombëtar (IOC) z.Tomas Bah dhe ku u diskutua për çështje të ndryshme të familjes së madhe olimpike. Të pranishëm ishin edhe përfaqësues të Solidaritet Olimpik, me të cilët KOKSH-i ka marrëdhënie të shkëlqyera e ku mbështetja ka qenë e madhe, apo përfaqësues të Agjencisë Botërore Antidoping (WADA). Një asamble ku u diskutua dhe u prezantuan disa nga aktivitetet e ardhshme olimpike që do të zhvillohen gjatë vitit 2014, duke nisur nga:
- Lojërat Olimpike Dimërore “Sochi 2014”.
- Lojerat Olimpike Rinore verore ne “Nanjing 2014” ne muajin gusht
Gjithashtu, u diskutua për projekt-progresin e kryer për Olimpiadën e vitit 2016 në Rio de Zhaneiro të Brazilit e për mjaft veprimtari të tjera Olimpike në vitet në vijim.
Më pas u kryen zgjedhjet për drejtuesit e rinj të Komitetit Olimpik Europian, ku në detyrën e presidentit u rizgjodh Patrik Hickey për të tretën herë.
Një vëmendje e veçantë iu kushtua edicionit të parë të Lojërave Olimpike Europiane, të cilat do të zhvillohen për herë të
Statuti i KOKSH merr njohjen zyrtare te Ministrise se Arsimit dhe Sportit
Ministrja Nikolla firmos Statutin e KOKSH dhe marrëveshjen e bashkëpunimit me Komitetin Olimpik Kombëtar Shqiptar.
Ministrja e Arsimit dhe Sportit, Znj.Lindita Nikolla, ditën e Premte, datë 8 Nëntor 2013, në mjediset e MAS zhvilloi një takimim me anëtarët e Komitetit Ekzekutiv të KOKSH, që kryesohej nga presidenti Viron Bezhani, zv.presidenti Gjergj Ruli dhe Sekretari i Përgjithshëm Stavri Bello
Një takim që më shumë se zyrtar u kthye në një bisedë të ngrohtë dhe ku palët shprehën mendimet e tyre për zhvillimin e sportit, daljen nga kriza dhe gjetjen e një rrugë të përbashkët.
Përveç Statutit, u nënshkrua edhe një marrëveshje bashkëpunimi midis MAS-it dhe KOKSH-it, që shtrihet edhe më gjerë, në një bashkëpunim dypalësh afatgjatë. Ministrja Nikolla premtoi mbështetje maksimale për sportin dhe Komitetin Olimpik Kombëtar Shqiptar. “Ne do të realizojmë shumë projekte së bashku dhe ju premtoj se situata do të ndryshojë. Do të punojmë sipas ligjeve dhe rregullave, siç edhe sporti funksionon sipas rregullave. Aktualisht po punojmë edhe për ngritjen e një strukture të sportit”, tha Ministrja Lindita Nikolla.
Pothuajse të gjithë anëtarët e KOKSH-it të pranishëm në këtë takim shprehën mendimet e tyre rreth problematikave të sportit, çfarë është bërë dhe se çfarë duhet bërë në të ardhmen, duke nisur nga financimi, ligji për sportin, terrenet sportive, kohështrirja më e madhe e sportit në shkolla, afrimi i rinisë me sportin etj, në shërbim të rinisë, për të krijuar më shumë masivitet e më pas edhe cilësi. Ministrja Nikolla pohoi se qeveria do të shohë KOKSH-in si një partner, me të cilin do të bashkëpunojë gjatë, në të mirën e sportit shqiptar.
KOKSH vijon mbeshtetjen per Talentet e Reja
Në zyrat e KOKSH, Presidenti i tij Z. Viron Bezhani dhe Presidenti i Federatës Shqiptare të Skive Z. Shkëlqim Memaj dhanë një konferencë për shtyp, në prezencë të 14 skiatorëve të rinj dhe 4 trajnerëve të cilët nisen sot, 1 Nëntor 2013, për një periudhë trajnimi intensive 2-javore në Cervinia, Itali. Këta sportistë të rinj do të jenë nën përkujdesjen dhe do të stërviten nga sportisti Olimpist shqiptar, Erjon Tola, përfaqësues i Shqipërisë në 2 Lojërat e fundit Olimpike Dimërore, si dhe pregatitet të marrë pjesë në Lojërat e ardhshme Olimpike “Sochi 2014”. Ky trajnim është në vazhdimësi të programit të Federatës Botërore të Skive dhe partneritetit të KOKSH, pasi një fazë e parë trajnuese po në të njëjtën qendër stërvitore në Cervinia, u zhvillua në Nëntor 2012. KOKSH sic edhe në fazën e parë ka siguruar biletat e udhëtimit për sportistët e rinj dhe trajnerët që po trajnohen nën këtë program, ndërsa qëndrimi, ushqimi dhe logjistika janë mbuluar financiarisht nga Federata Botërore e Skive.
Në fjalën e tij z. Bezhani theksoi rëndësinë e këtij projekti të mbështetur financiarisht edhe nga KOKSH, për zhvillimin e talenteve të reja, si baza e zhvillimit